4.373 etxebizitza sustatuko dituzte, Donostian

Eusko Jaurlaritzak eta Donostiako Udalak Gipuzkoako hiriburuan egingo dituzten bi hirigintzako operazioak garrantzitsuen garapenean hartuko dute parte. Auditz Akular eta Txominenean izango da, eta 4.373 etxebizitza sustatuko dituzte; horietatik 3.263 babes ofizialeko etxebizitzak izango dira.

Donostiako alkateak, Odon Elorzak, eta Etxebizitzako sailburuak, Iñaki Arriolak, akordioa iragarri dute gaur, eta bi eragiketa hauek erregulatzen dituzten hitzarmenak sinatuko dituztela adierazi dute gaur prentsaurreko batean.

Auditz Akularrekoa, Altza auzoan, 800.000 metro karratu izango ditu eta 3.059 etxebizitza berri egingo dituzte; horietatik 2.354 babes ofizialekoak. Tomineneako operazioan berriz, Loiolan, 163.000 metro karratuko area batean egingo dute (espetxea Zubietara eramandakoan), eta 1.314 etxebizitza eraikiko dituzte; horietatik 909 babes ofizialekoak izango dira.

Operazio horietarako, Jaurlaritzak lehendik erosita zituen lurzoruez gain, 5 milioi euro jarriko ditu lurzorutan eta hirigintzako eskubideetan, dagozkien urbanizazio kostuekin. Guztira 872 etxebizitza sustatuko ditu (687 BOE eta tasatutako 185 etxebizitza), eta baita 100 bat alokairuko apartamentu.