26 urteko gizon bat hil da Bilbon, ibilgailu batek harrapatuta

Ezbeharra goizeko lehen orduan gertatu da Zumalakarregi etorbidean. Harrapaketaren ondoren, gidariak ihes egin du.

EITB.EUS

azken eguneratzea: 2019/03/12 12:07 (UTC+1)

26 urteko gizon bat hil da gaur goizean Bilbon, ibilgailu batek harrapatuta.

Ezbeharra 06:50ean gertatu da Zumalakarregi etorbideko 34. zenbakiaren inguruan. Antza denez, gizona baimendu gabeko toki batetik igarotzen ari zen bidea, semaforo batetik hamar metrora.

Istripuaren tokira bertaratutako osasun langileek gaztearen heriotza baieztatu baino ezin izan dute egin.

Harrapaketaren ondoren, gidariak ihes egin du. Udaltzaingoak ikerketa abiatu du istripuaren nondik norakoak argitzeko eta gidaria aurkitzeko.

EGUNERATZEA: Ertzaintzaren aurrera agertu da Bilbon oinezko bat harrapatu duen gidaria

Azken orduetan ibilgailu batek harrapatuta hil den bigarren pertsona da. Atzo, pertsona bat hil zen Guardian, ibilgailu batek harrapatuta.

Hau zure interesekoa bada, baliteke beste gai hauek ere izatea

Zirkulazio Istripuak Trafikoa Bilbo berriak Bizkaiko albisteak Gizartea Trafikoko telefonoak Trafikoko web-kamerak Gasteizen Eguneko albisteak Albisteak Harrapatzeak

26 urteko gizon bat hil da Bilbon, ibilgailu batek harrapatuta

Esteka kopiatuta