Gizartea -

BILBO

Itsasgorak ez du aparteko arazorik eragin Zorrotzaurren

Ibaizabal hazita bazegoen ere, ez da bere bidetik atera. Aurreikuspenen arabera, ostegun goizaldean azken hiru urteetako itsas maila altuena harrapatuko du.

Bilboko itsasadarra Zorrotzaurre parean. Argazkia: Iker Salgado
Bilboko itsasadarra Zorrotzaurre parean
Marea biziko lehen itsasgora arazorik gabe gainditu du Bilboko itsasadarrak

0:56

EITB.EUS

Whatsapp Facebook Twitter Telegram Email

Egunotako marea biziek Bilboko itsasadarraren ertzetan dauden hainbat tokitan (Zorrotzaurre, Deustuko Erribera eta Elorrieta) kezka eragin badute ere, goizaldeko itsasgorak ez du aparteko arazorik eragin. Ibaia asko hazi da, baina ez da bere bidetik atera.

Orain, ostegun goizaldeko itsasgorari begira daude hiritarrak eta agintariak. 05:40eko itsasgoran, ibaiak azken hiru urteetako itsas maila altuena harrapatuko du, 5,03 metro, hain zuzen ere.

Urak gainezka egiten badu, Bilboko Udalak lurrez betetako 4.000 zaku prest ditu Zorrotzaurreko ibarrean, Olabeagan eta Elorrietako bihurgunean jartzeko. Horrez gain, marea bizietako egun hauetan bereziki zainduko dute gunea, eta balizko uholdeek trafikoari eragiten badiote, beste bide alternatibo batzuk atondu ditu Udalak.

Bestalde, "arreta" eskatu du Udalak, eta ibaiertzetan gauez autorik ez aparkatzeko.

Zorrotzaurre

Bilboko Udalak 4.000 zaku zabaldu ditu itsasadarraren ertzetan. Argazkia: Iker Salgado

Hau zure interesekoa bada, baliteke beste gai hauek ere izatea
Bilboko Udala albisteak Bilboko Itsasadarra Bilbo Bizkaia Gizartea albisteak Eguneko albisteak Hondamendi naturalak albisteak Albisteak Uholdeak bideoak Zorrotzaurreko uhartea Deustori buruzko albisteak