Gizartea -
Harrapaketa
Gidari batek ziklista bat harrapatu eta ihes egin du Loiun
Ertzaintzak handik gutxira aurkitu du drogetan positibo eman duen gidaria.
Agentziak | Erredakzioa
Gidari batek ziklista bat harrapatu du Loiun eta ihes egin du ondoren. Ertzaintzak handik gutxira aurkitu du drogetan positibo eman duen gidaria.
Harrapaketa atzo (asteazkena) eman zen, BI-3707 errepidean. Ibilgailu batek txirrindularia harrapatu eta ihes egin zuen Loiuko Aireporturako noranzkoan, Segurtasun Sailak ostegun honetan jakitera eman duenez.
Txirrindularia arin zauritu eta tokian bertan artatu zuten.
Ertzaintzako patruila bat ibilgailuaren bila hasi zen orduan, eta handik gutxira Aireportuko aparkalekuan aurkitu zuten.
Ertzaintzak 41 urteko gizona identifikatu zuen; gidariak, gainera, droga testean positibo eman zuen eta drogapean gidatzea egotzi dio Ertzaintzak.