Gizartea -
SUTEA
Pertsona bat ospitaleratu dute, Legazpin izandako sute batean kea arnastuta
Sua piztu den eraikineko bizilagunak etxetik atera behar izan dituzte. Ertzaintza sutearen zergatia ikertzen ari da.
EITB.EUS
Pertsona bat ospitalera eraman zuten bart Legazpiko etxebizitza batean piztutako sutean kea arnasteagatik.
Suaren ondorioz, garrak piztu diren eraikineko bizilagunak etxetik atera behar izan zituzten eta etxetik kanpo igaro dute gaua. Koldobike Olabide Legazpiko alkateak Goierriko Hitzari jakinarazi zionez, Udalak bi familiari ostatu eman die.
18:55 aldera piztu zen sua Plazaola kaleko etxebizitza batean, oraindik argitzeke dauden arrazoiak tarteko.
Legazpiko eta Goierriko parkeetako suhiltzaileek parte hartu zuten sua itzaltzeko lanetan.
Hau zure interesekoa bada, baliteke beste gai hauek ere izatea