Gizartea -
Atal berria
Herriak eta hiriak, zure herriko informazioa eitb.com-en
Donostiak, Arrasatek, Eibarrek, Amorebietak eta Bermeok badute orrialdea. Bertan, azken albisteak, argazkiak edo bideoak ikusi eta udalerrien inguruan sare sozialetan esaten dena jarraitu ahalko duzu.
Erredakzioa
eitb.com-ek atari berria dauka: Herriak eta hiriak; bertan, zure herriarekin zerikusia duen guztia topatuko duzu: blogaren azken berriak, argazki eta bideoak, zerbitzuak eta sare sozialetan udalerriaren inguruan esaten dena.
Oraingoz, bost herrik dute orrialdea: Donostiak, Arrasatek, Eibarrek, Amorebieta-Etxanok eta Bermeok, baina apurka-apurka gehiago gaineratzen joango gara, besteak beste, Tolosa, Elgoibar edo Hernani.
Orrialde bakoitzak hainbat eduki ditu, besteak beste, blogaren azken postak, Reala eta Lagun Aro Gipuzkoa Basketen berriak, bideoak, argazkiak edo webkamera. Horrez gain, Twitter eta Facebooken udalerri hauen inguruan esaten den guztia jarraitu ahalko duzu, baita eskura dituzun zerbitzuak (eguraldiaren iragarpena, zirkulazioaren gorabeherak eta guardiako farmaziak) eta Aupatun jasotako albisteak ere.