Gizartea -
Errefuxiatuen drama
'Aita Mari' Greziarako bidean da jada, laguntza humanitarioa entregatzeko
Ontzi humanitarioak dagoeneko lortu du Espainiako Gobernuaren baimena, baina oraindik ezingo ditu errefuxiatuak salbatu Mediterraneoan.
AGENTZIAK | ERREDAKZIOA
"Aita Mari" ontzia Greziara abiatu da astearte honetan, Palmako (Balear Uharteak) portutik, Espainiako Gobernuaren baimena lortu baitu jada. Dena dela, oraingoz ezingo du bere helburu nagusia bete, hau da, Mediterraneoan errefuxiatuak salbatu, eta laguntza humanitarioa entregatzera doa Chios eta Lesbos uharteetara.
Ontzi humanitarioa kudeatzen duen elkarte solidarioak deitoratu egin du Espainiako Gobernuak baimena emateko eragindako "atzerapena". Izan ere, Portugalek eman egin zion Mediterraneoan nabigatzeko baimena.
Horren ildotik, Iñigo Mijangos ontziko armadoreak kritikatu egin du Espainiako Gobernuak "oztopoak" jarri izana errefuxiatuak eta migratzaileak salbatzeko.
Mijangosek azaldu duenez, “Aita Mari” Pasaiatik (Gipuzkoa) abiatu zen; A Coruñan (Galizia) laguntza humanitarioa jaso zuen, eta Lisboan (Portugal) Greziako uharteetara joateko baimena lortu zuen. “Eta dena zuzen eduki arren, Espainiako Gobernuak portu espainiar batera itzultzea agindu zion”.