Gizartea -
Indarkeria matxista
Bi gizon atxilotu dituzte Plentzian eta Bilbon, bikotekideei eraso egitea egotzita
Emakume bat Basurtuko Ospitalera eraman dute, zauriak sendatzeko. 37 eta 33 urte dituzte erasotzaileek.
Agentziak | Erredakzioa
Ertzaintzak bi gizon atxilotu ditu azken orduotan Plentzian eta Bilbon, haien bikotekideei eraso eta mehatxu egitea leporatuta, Eusko Jaularitzako Segurtasun Sailak ostegun honetan jakitera eman duenez.
Plentzian, emakume batek eraso bat salatu ostean atxilotu zuten gizonezkoa. Segurtasun Sailak azaldu duenez, atxilotuak 37 urte ditu, eta gaur bertan igaroko da epailearen aurretik.
Bilbon, Ertzaintzak 33 urteko gizon bat atxilotu dute goizaldean, Santutxuko etxebizitza batean, bere bikotekideari eraso eta mehatxu egitea leporatuta.
Emakumea Basurtuko Ospitalera eraman dute, zauriak sendatzeko.
__________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
