Gizartea -
Sutea Araban
30 pertsona atera dituzte Erriberagoitiko kanpin batetik, sute bat tarteko
Goizean piztu dira garrak, argitu gabeko arrazoiak tarteko. Lauzpabost autokarabana eta hainbat bungalow kiskali dira.
Agentziak | Erredakzioa
30 bat pertsona atera behar izan dituzte Erriberagoitiko (Araba) kanpin batetik gaur sute bat tarteko, Eusko Jaurlaritzako Segurtasun Sailak jakinarazi duenez. Zorionez, ez da inor zauritu, baina kalte materialak handiak dira: hainbat autokarabana eta bungalow kiskali dira.
Sutea 09:45ean piztu da, El Roble Verde kanpinean. Argitu gabeko arrazoiak tarteko, bertan zeuden lauzpabost autokarabanek eta bungalow batzuek su hartu dute.
Ez da inor zauritu. Badaezpada, 30 pertsona atera dituzte bertatik.
Suhiltzaileak, lanean. Argazkia: @BomberosAraba