Gizartea -
Eguraldia
Bero itogarria beste egun batez
Orozkon, Zallan edo Arguedasen 40 gradutik gorako tenperaturak izan dira. Nafarroan alarma gorrian segitzen dute; Araban, Bizkaian eta Gipuzkoan alerta laranja ezarri dute berriro.
eitb.eus
Bigarren egunez jarraian bero itogarria izan dugu Euskal Herrian. Eguerditik aurrera tenperaturak nabarmen egin du gora.
Bizkaian, Orozko izan da herririk beroena: 44 graduko tenperaturak izan baitituzte. Zallan eta Sodupen ere 40 gradutik gora ibili dira.
Nafarroan, tenperatura maximoak Arguedasen eta Bardeak inguruan neurtu dituzte: 42 gradu. Tuteran 39 gradu izan dira.
Erriberan alarma gorrian jarraitzen dute eta bihar Nafarroa osora zabalduko dute alarma egoera.
Datozen lau egunetan 41-43 graduko tenperatura maximoak eta 21 graduz gorako minimoak espero dira eskualdean, Nafarroako Gobernuak agiri batean jakitera eman duenez.
Euskalmeten iragarpenaren arabera, 36-38 gradu arteko tenperaturak izango dira ostiral honetan Araban, Bizkaian eta Gipuzkoan. Hortaz, alerta laranjari eutsiko diote 12:00etatik 21:00etara bitartean.
BIDEOA | Beroaldia Gipuzkoan:
BIDEOA | Tenperaturak Gasteizen, ostegun honetako lehen orduan:
BIDEOA | Tenperaturak Iruñean, ostegun honetako lehen orduan:
