Bilbobusek udako ordutegia jarri du abian

Bilbobus Bilboko hiri-garraioaren udal zerbitzuaren udako ordutegia uztailaren 1etik abuztuaren 31ra izango da martxan.

Udalbatzak adierazi duenez, 5-10 minutuko maiztasun-aldaketak izango dira, eta, beste kasu batzuetan, lehen eta azken zerbitzuak aldatuko dituzte. Gautxoriko lineek, ostera, ohiko ordutegia izaten jarraituko dute.

Bestalde, 50. lineak gaueko ordutegian irteera bat gehiago izango du: 22:30ean Buiatik eta 22:45ean Zamakolatik.

Ordutegi berriaren informazio zehatza Bilbobuseko markesinetako karteletan eta BioBide enpresaren bezeroa artatzeko bulegoan (Poza lizentziatua, 6) izango da eskuragai.

Ordutegi berria Bilbobuseko aplikazioan eta webgunean ere izango da ikusgai. Zalantzarik izanez gero, Bilboko Udaletxera deitu behar da: 010.