Itxi

Gizartea

Osasuna

Osasun Kontseilaritzak larrialdi zerbitzuak saihestea gomendatu du sanferminetan

Agentziak | Erredakzioa

Dominguezek osasun-baliabideak aprobetxatzea eskatu du, eta Nafarroako Ospitale Guneko larrialdi zerbitzuetara "benetako kasu larrietan" joatea.

  • Nafarroako Ospitalea

    Nafarroako Ospitalea. ETBren bideo batetik ateratako irudia

Fernando Dominguez Nafarroako Gobernuko Osasuneko kontseilariak sanferminetan osasun-zentroetara joatea gomendatu du, eta Nafarroako Ospitale Guneko larrialdi zerbitzuak saihestea.

Iruñeako eta eskualdeko osasun-zentroak egunero zabalduko dira 09:00ak eta 13:00a bitartean, asteburuetan izan ezik.

Ordutegi horretatik kanpo, larrialdiak Buztintxurin -13:00a eta 22:00ak bitartean lanegunetan eta 08:00ak eta 22:00ak bitartean asteburuetan- eta San Martin zentroan jasoko dira.

Azken zentro hori uneoro egongo da zabalik jaiegun guztietan eta medikuntzako hiru medikurekin, erizaintzako hirurekin eta administrazio eremuko beste birekin sendotuko da.

Dominguezek osasun-baliabideak aprobetxatzea eskatu du, eta Nafarroako Ospitale Guneko larrialdi zerbitzuetara "benetako kasu larrietan" bakarrik joatea, sorospen gehienak aipatutako zentroetan egin baitaitezke.

Entzierroetako osasun-laguntzari dagokionez, guztira hamazazpi postu egongo dira, haietako bederatzi hesian eta zortzi sorosleekin. Horiei Zezen-plazako erizaintza eta ibilbidean zehar dauden hamabost anbulantzia gehitu behar zaizkie.

Horrela, sorospen postu bat egongo da 50 metroko.

Horrez gain, sanfermin hauetan bi asteburu daudela nabarmendu du, eta balitekeela egun asteburuko egunetan bisitari gehiago joatea.

  • Bisitatuena

      Kargatzen ikusiena
      Kargatzen ikusiena