Gizartea -
Iruraiz-Gaunan
Gizonezko baten hilotza aurkitu dute Arabako urmael batean
Herritar batek arropak aurkitu ditu urtegiaren bazterrean, eta Ertzaintza deitu du. Orduan, bilaketa lanei ekin diete.
AGENTZIAK | ERREDAKZIOA
Iruraiz-Gaunako urmael batean pertsona baten gorpua aurkitu dute igande arratsalde honetan, Segurtasun Sailak jakitera eman duenez.
Eusko Jaurlaritzako Larrialdietarako Zerbitzuetako teknikari bat bilaketa lanak kudeatzen ibili da. Herritar batek arropak aurkitu ditu urmaelaren bazterrean, eta Ertzaintza deitu du.
Inork desagerpenik salatu ez badu ere, Ertzaintzak bilaketa lanak abiatu ditu.