Gizartea -
OSPAKIZUNA BILBON
Andre Mariaren Zeruratzearen jaiak eragina izango du trafikoan abuztuaren 13tik 15era
Bilboko Udalak iragarri duenez, Begoñako basilikaren inguruetan (Bilbo) trafiko aldaketak egongo dira eta bide publikoa okupatuko dute.
AGENTZIAK | ERREDAKZIOA
Abuztuaren 13tik 15era bitartean ospatzen den Andre Mariaren Zeruratzea dela-eta, trafiko aldaketak izango dira eta bide publikoa okupatuko dute Begoñako basilikaren inguruetan, Bilboko Udalak adierazi duenez.
Udalak prentsa-ohar batean zehaztu duenaren arabera, taxi-geltokia Basilikako albo batean jarriko dute. Bestetik, Begoñako Andra Maria eta Mendiri Maisuaren kaleen arteko elkargunean zein Begoñako Andra Maria kalean, 40.ean, lekua erreserbatuko dute Udal Musika Bandarentzat abuztuaren 15ean, 10:00etatik 13:00etara.
Gainera, Elizalde kaleko errepidea itxiko dute, basilikaren parean. Bertan dauden garajeetan sartzeko edo ateratzeko, Ugatz Parrokoaren kaletik ibiliko dira. Bestalde, Andre Maria Zuriaren klinikak larrialdietarako sarrera izango du, Masustegi kaletik, udal ordezkariek zehaztu dutenez. Aldaketa horiek guztiek herritarrei eragozpenak sortuko dizkietela-eta, barkamena eskatu dute.
