Itxi

2019/08/22

18:01

Gizartea

'World's Greatest Places'

Chillida Leku bisitatzeko 100 tokirik onenen artean sartu du 'Time' aldizkariak

AGENTZIAK | ERRDAKZIOA

Museoa aurtengo zerrenda ospetsuan sartzea lortu duen Estatuko leku bakarra da.

  • Emakume bat argazki bat ateratzen Chillida Lekun

    Emakume bat argazki bat ateratzen Chillida Lekun. Irudia: EFE

  • Whatsapp
  • Whatsapp
  • Telegram
  • Bidali

Ameriketako Estatu Batuetako Time aldizkariko 'World's Greatest Places 2019' zerrendaren arabera, Chillida Leku bisitatzeko munduko tokirik onenen artean aurkitzen da. Horrela, museoa aurtengo zerrenda ospetsuan sartzea lortu duen Estatuko leku bakarra da.

Zerrendak ehun leku jasotzen ditu, "bide berriak ireki eta industriaren joerak zuzentzen ari direnak, eta berezitzat jo daitezkeen esperientziak eskaintzen dituztenak".

"Chillida Leku museoak etapa berri bati ekin zion joan den apirilean, eta orduz geroztik 45.000 bisitari inguru izan ditu. Horrek areagotu egin du bisitaldi gidatuen eskaera, museoaren erakarpen handietako bat delarik", adierazi du Mireia Massague museoko zuzendariak.

"Halako aintzatespenek lanean jarraitzera animatzen gaituzte; museoaren kudeaketa eredu berria bermatzen dute. Gainera, inguruarekin eta tokiko bisitariekin dugun inplikazioaren garrantzia berretsi digu. Horrek guztiak nazioarteko dimentsioa ematen dio Chillida Lekuri", nabarmendu du zuzendariak.

  • Bisitatuena

      Kargatzen ikusiena
      Kargatzen ikusiena
    ;