Gizartea -
TABAKOA
% 40ko eraginkortasuna duen erretzeari uzteko sendagaia EAEn banatuko da
2008-2017 bitartean tabakoaren kontsumoa % 30etik % 22ra jaitsi da EAEn, azken 25 urteetako prebalentzia baxuena.
AGENTZIAK | ERREDAKZIOA
Osakidetzak % 40ko eraginkortasuna duen erretzeari uzteko sendagaia finantzatuko du. Hala ere, banaketa Osakidetzak martxan dituen helburu berdineko dispositiboak aztertu ondoren erabakiko da.
Maria Luisa Carcedo Osasun ministroak Espainiako Osasun Sistemak vareniclina sendagaiaren dirulaguntza jasoko duela adierazi zuen atzo.
Osakidetzaren arabera, osasun publikoaren finantzaketa "neurri positiboa" da, erretzeari uzteko sendagaiekiko atxikidura handiagoa ahalbidetuko baitu.
Gainera, ‘Champix’ dagoeneko osasun zentro guztietan dagoen (eta "oso emaitza onak" dituena) erretzeari uzteko kanpaina baten "beste erreminta bat" izango da. Horregatik, sendagaiaren banaketa “Osakidetzak martxan dituen dispositiboen arabera” aztertuko da.
Osasun Sailaren arabera, 2008-2017 bitartean tabakoaren kontsumoa % 30etik % 22ra jaitsi da EAEn, azken 25 urteetako prebalentzia baxuena.
Gainera, erretzen ez duen herritarren ehunekoak gorantz jarraitzen du, % 75era iritsiz 2017an.