Gizartea -
Gertaera
Aurkitu dute Bakion surfa egiten desagertutako adingabearen hilotza
Gaztea lagunekin batera joan da hondartzara eta larunbateko 18:30ak aldera desagertu da, uretan zegoela.
Erredakzioa
Larrialdietako zerbitzuek larunbatean desagertutako 16 urteko adingabearen hilotza aurkitu dute. Mutikoa Bakion, Bizkaian, desagertu da surfa egiten zegoela, Herrizaingo Sailak jakitera emandakoaren arabera.
Gaztearen lagunak izan dira 18:30etan Bizkaiko SOS-Deiakera abisua eman dutenak. Esandakoaren arabera, lagunaren surf taula agertu egin da, baina ez mutila bera.
Gertatutakoa jakin eta berehala, Eusko Jaurlaritzako teknikari bat bilaketa lanak koordinatzen hasi da Ertzaintzaren helikopteroa eta ontziak eta Itsas Salbamenduaren eta Gurutze Gorriaren ontziak erabilita.
Erreskate taldeak hondartzaren ezkerraldeko bokalea eta bi aldeetako harrizko zonaldeak miatu dituzte, 19:45ak aldera hilotza aurkitu duten arte.
