Gizartea -

1946. urtetik

Elizak 100.000 ondasun immatrikulatu ditu Espainian, koordinakunde baten arabera

Zerrenda osoa argitaratzeko eta ondasun publikoak babesteko eskatu dio Reuperando koordinakundeak Gobernu zentralari.

Gotzainen Biltzarra. EiTBko bideo batetik ateratako irudia.
Gotzainen Biltzarra. EiTBko bideo batetik ateratako irudia.
Gotzainen Biltzarra. EiTBko bideo batetik ateratako irudia.

Agentzia | Erredakzioa

Whatsapp Facebook Twitter Telegram Email

1946tik Elizak 100.000 ondasun baino gehiago modu bidegabean bereganatu dituela salatu du Recuperando koordinakundeak larunbat honetan. Horregatik, zerrenda osoa argitaratzeko eta ondasun publikoak babesteko eskatu dio koordinakundeak Gobernu zentralari.

Koordinakundeak batzarra egin du Sevillan. Hamar erkidegotako, besteak beste, Nafarroako, 20 elkarte baino gehiago elkartu dira Andaluziako hiriburuan. 1998tik 2015era soilik Elizak ia 35.000 ondasun bereganatu dituela nabarmendu dute.

Elkarteen hitzetan, inskripzioak "baliogabeak" dira, eta ondasun publikoan "argi" identifikatzeko legedi bat aldarrikatu dute, juridikoki babestu behar direlako.

Azkenik, Sevillako Katedralaren Patio de los Naranjos aurrean protesta sinbolikoa egin dute, Apezpikutzari lorategi publiko bezala berriro zabaltzea eskatzeko.

 

 

Hau zure interesekoa bada, baliteke beste gai hauek ere izatea
Politika Espainia Gizartea Eguneko albisteak Albisteak Erlijioa Vatikanoko azken ordukoa