Gizon bat hil da Elorrion aurrez aurreko talka baten ostean

Gizon bat hil da eta emakume bat zauritu da astelehen honetan Elorrion (Bizkaia), N-636 errepidean izandako istripu batean, Eusko Jaurlaritzako Segurtasun Sailak jakinarazi duenez.

Ezbeharra 08:05ean gertatu da, Kanpanzar mendatean, bi ibilgailuk aurrez aurre talka eginda.

Lehen ibilgailuko gidaria, 30 urtekoa eta Mungiakoa, barruan harrapatuta geratu da, eta suhiltzaileak bertaratu behar izan dira erreskatea egiteko. Istripua izan den lekuan hil da. Hildakoaren lagun bat, 29 urteko emakume bat, Galdakaoko Ospitalera eraman dute, eta beste autoaren gidaria onik atera da.

Istripuaren ondorioz errepidea itxita geratu da puntu horretan, eta Ertzaintzak Durangon barrena desbideratu du Kanpazarretik datorren trafikoa, baita Elorrioko herrigunetik Arrasatera doana ere.