11 urteko mutiko bat zauritu da Donostian auto batek harrapatuta

Auto batek 11 urteko mutiko bat harrapatu du gaur goizean Donostian, Jose Elosegi Alkatearen hiribidean (Mirakruz gaina), Eusko Jaurlaritzako Segurtasun Sailak eitb.eus-i jakinarazi dionez.

Donostiako Udalak ohar batean zehaztu duenez, ezbeharra 08:53an jazo da, La Asuncion Ikastetxearen parean, mutikoa zebrabidea semaforoa gorrian zuela gurutzatzen ari zenean. Lekukoek adierazi dutenez, semaforoa gorrian zuela gurutzatzen hasi da umea, eta Irungo norabidean zihoan auto batek harrapatu du.

Ondorioz, hainbat kolpe izan ditu eta ospitalera eraman dute (ez dute bere zaurien larritasunaren berri eman).

Donostiako Udaltzaingoak hartu du istripua ikertzeko ardura.