Eguraldiaren inguruko informazioa Twitterren eskainiko du Euskalmetek

Euskalmet Euskal Meteorología Agentziak Twitter sare sozialean eskainiko du egunero EAEko eguraldiaren inguruko informazioa.@Euskalmet kontu berriaren bidez emango du Euskalmetek informazioa. Orain egun gutxi jarri dute martxan, EAEk bizi izan duen beroaldia izan den bitartean.

Horrez gain, YouTube atarian ere kontua ireki du Euskalmetek. www.youtube.com/euskalmet helbidean eguraldiarekin zerikusia duten hainbat eduki erakutsiko dituzte, baita Eguraldia 24 telebista katean igorritako saioak ere.

Euskalmeten web orriak ere Twitter eta Youtubeko ataletan sartzeko aukera emango du hemendik aurrera.