21 urteko gizon bat hil da Samaniegon, bere ibilgailua errepidetik aterata

21 urteko gizon bat bat hil da eguerdian, Samaniegon (Araba), A-2124 errepidean jazotako istripu batean. Hildakoaren ibilgailua errepidetik atera da. Biktima Zaragozakoa zen.

Ford Fiesta autoa sakan batetik erori da, eta bi bidaiariak harrapaturik geratu dira ibilgailu barruan.

Segurtasun Sailak jakitera eman duenez, ezbeharra 13:20 aldera gertatu da. Ikertzen ari diren arrazoiengatik bi pertsona zeramatzan ibilgailua A-2124 errepidetik atera da, Lezako noranzkoan.

Ertzaintza, suhiltzaileak eta osasun zerbitzuak bertaratu dira. Ibilgailuko bi bidaiariak artatu dituzte, baina horietako bat bertan hil da.

Bestea, adin bereko emakumea, ezbeharrean zauritu da, eta Santiagoko ospitalera eraman dute.