Gizartea -
Olatuak eta izotza
Abisu horia astelehenera arte luzatu dute kostaldean 2,5 metro arteko olatuengatik
Bestalde, goizaldean izotz galanta bota du Arbako txokoetan: Pagoeta (-6,1 gradu ), Espejo (-5,1) eta Sarria (-4,2); baita Bizkaiko eta Gipuzkoako toki batzuetan ere.
Agentzia | Erredakzioa
Eusko Jaurlaritzako Segurtasun Sailak abisu horia astelehenera arte luzatu du kostaldean 2,5 metro arteko olatuengatik. Igande honetan abisu horia indarrean dago itsasgorarekin.
Goizaldeko 05:00etatik 07:00etara egongo da indarrean abisua, Segurtasun Sailak jakitera eman duenez. Alerta arratsaldean 17:00etatik 19:00etara ere indarrean izango dela gogorarazi du Jaurlaritzak.
Gainera, izotzagatik abisu horia mantenduko da astelehenean, 00:00etatik 10:00etara. Tokian toki izotz handia botako du Araban, eta behe-lainoa izango da.
Goizaldean izotzagatik abisua indarrean izan da. Zeroz azpiko tenperatura minimoak izan dira Arabako txokoetan: Pagoeta (-6,1 gradu ), Espejo (-5,1) eta Sarria (-4,2); baina baita Bizkaiko eta Gipuzkoako toki batzuetan ere, besteak beste, Otxandion (-2,8) eta Ordizian (-1,5).
Izotza Jokanon (Zuhatzu Kuartango, Araba). Argazkia: Arantza Unamunzaga
