Gizartea -

Indarkeria matxista

Gizon batek emakume bat hil du Bartzelonan

Ustezko hiltzailea El Prateko aireportuan harrapatu dute, ihes egiten saiatzen ari zela.

Agentziak | Erredakzioa

Whatsapp Facebook Twitter Telegram Email

45 urteko gizon bat atxilotu dute astearte honetan Bartzelonan, Sant Joan Despi udalerrian emaztea hiltzea egotzita, Esquadra Mossoek jakitera eman dutenez.

Emakumearen gorpua 03:00ak aldera aurkitu dute, eta, ustezko hiltzailea, El Prateko aireportuan harrapatu dute, ihes egin nahian ari zela.

Esquadra Mossoek ikerketa abiatu dute gertatutakoa argitzeko, eta atxilotua polizia-etxera eraman dute. Bestalde, guardiako instrukzio epaitegiak bere gain hartu du kasua, eta sumario-sekretua ezarri du.

Gizonak emaztea hil duela baieztatuz gero, indarkeria matxistaren zazpigarren biktima izango litzateke urtea hasi zenetik. Halaber, 2003an datuak biltzen hasi zirenetik, 1.040 emakume hil dituzte.

Urtarrilean izandako zazpi hilketetatik hiru Katalunian izan dira: bi Gaztela-Mantxan, bat Galizian eta beste bat Andaluzian. Ez zegoen erasotzailearen aurkako salaketarik jarrita.

______________________

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Katalunia Tratu txarrak Bartzelona Espainia Gizartea Eguneko albisteak Albisteak Matxismoa Erailketak

Informazio gehiago