Lau urteko kartzela-zigorra eskatu dute Ortega Canorentzat

Carlos Parraren (Ortega Canoren istripuan hil zen pertsona) familia ordezkatzen duten abokatuak toreatzailearen erantzukizun penalaz konbentzituta daude, eta zuhurtziagabekeriazko giza hilketaren eta bide-segurtasunaren kontrako delituak egoztea erabaki dute.

Lehenengo delituagatik bi eta erdi-lau urte bitarteko kartzela-zigorra eskatzea pentsatu dute, gida-baimena lau eta sei urte artean erabiltzea debekatzeaz gain.

Bigarren delituak aldiz, hiru hilabeteko kartzela-zigorra eta gida-baimenik gabeko hiru urte eragin diezazkioke. Guztira, hiru eta lau urte bitarteko kartzela-zigorra eragin liezaioke, baita gida-baimena bederatzi urterako kentzea ere.

Bide-segurtasunari dagokionez, abokatuek ez zuten eskatuko duten kalte-ordainaren zenbatekoa ezagutzera eman, hala ere, jarritako baremoei ez dietela jarraituko adierazi zuten. " Inguruko herrialdeen kalte-ordainak baino askoz ere baxuagoak dira Espainiakoak" esan zuen Andres Romerok.