Gizartea -
EZBEHARRA
Zulo batera erori den gizon bat erreskatatu dute Sestaon
44 urteko gizon batek zulo batera erori zela abisatu zuen atzo, 21:15 aldera, 112 zerbitzuan. 01:30 aldera lortu dute bertatik ateratzera eta Gurutzetako Ospitalera eraman zuten.
AGENTZIAK | ERREDAKZIOA
Barakaldoko udaltzainek eta suhiltzaileek 44 urteko gizon bat erreskatatu dute gaur goizaldean, Sestaon, Bi-628 errepidetik gertu dagoen sastraka inguru bateko zulo batetik.
Eusko Jaurlaritzako Herrizaingo Sailak jakitera eman duenez, gizonak 21:15 aldera deitu zuen atzo 112 zerbitzura, zulora erori zela abisatuz. 24:00ak aldera topatu zuten Barakaldoko udaltzainek, eta 01:30 aldera lortu zuten bertatik ateratzea,suhiltzaileen laguntzarekin.
Erreskateak iraun zuen bitartean gizonak konortea galdu zuen, eta behin kanpora aterata, Gurutzetako Ospitalera eraman zuten.
Ez da zabaldu nola gertatu zen erorikoa ez eta zein den bere egoera une honetan.