Basurtuko ospitaleak ukatu egin du koronabirusaren aurkako txertoa emango duela

Bilboko osasun-zentroak gezurtatu egin du sare sozialetan zabaldutako informazioa.

AGENTZIAK | ERREDAKZIOA

publikatuta: 2020/03/16 23:01 (UTC+1)

azken eguneratzea: 2020/03/23 23:47 (UTC+1)

Basurtuko Erakunde Sanitario Integratuak (ESI), hots, koronabirusak kutsatutako gaixoei arreta emateko erreferentziazko euskal ospitaleetako batek, "irmo" gezurtatu du astearte honetan COVID-19 gaitza eragiten duen birusaren aurkako txertoa emango duela, sare sozialetan zabaldu denez.

Ohar baten bidez, Bilboko ospitaleak argitu du Basurtuko Osasun Zentroan koronabirusaren aurkako txertoa emateari buruzko informazioa "faltsua" dela, eta gaitzetsi egin ditu horrelako albiste faltsuak, herritarren artean "nahasmena" besterik ez dutelako eragiten.

Hori dela eta, Basurtuko ESIk Osasun Sailaren eta Osakidetzaren gomendioak kontuan izateko eskatu die herritarrei.

Kontuan izan osasun-agintariek koronabirusaren aurka emandako aholkuak. Koronabirusaren inguruko albiste faltsuen aurrean, egin kasu bakarrik iturri ofizialek ematen dituzten albisteei. Eta zurrumurru, gezur edo albiste faltsu baten susmorik baduzu, idatzi koronabuloak@eitb.eus helbide elektronikora edo bidali WhatsApp bidez mezu bat 600 900 454 telefono zenbakira. Ez diogu inori zuzenean erantzungo, baina oharrak jaso, aztertu, eta faltsuak direla egiaztatuz gero, Koronabuloak webean aireratuko ditugu.

Hau zure interesekoa bada, baliteke beste gai hauek ere izatea

Osakidetza berriak Bilbo Bizkaia Gaixotasunak Gizartea Eguneko albisteak Albisteak Osasun albisteak Albiste faltsuak Basurtuko ospitalea Koronabirusa

Basurtuko ospitaleak ukatu egin du koronabirusaren aurkako txertoa emango duela

Esteka kopiatuta