"Ez dugu babes neurririk, protokoloak astiro egiten dira"

Ana Sastrek Donostiako zahar-etxe batean egiten du lan, eta ostiral honetan Radio Euskadiko Boulevard albistegian ohartarazi duenez, argi dute koronabirusa haien lantokira iritsiko dela, orain arte kasurik atzeman ez duten arren.

"Atzo jaso genituen lehen maskarak egoitza honetan, eta, gutxi daudenez, langile bakoitzak maskara bakarra du. Poltsa batean sartu behar ditugu hurrengo egunean berrerabiltzeko" azaldu du.

Halaber, langileak oso kezkatuta daudela gaineratu du, izan ere, foku nagusia beharginak direla uste du. "Sartu eta irten egiten gara", esan du, eta egoiliarrak kutsatzeko beldur dira.