Armadak Gasteizko, Donostiako eta Bilboko tren geltokiak desinfektatuko ditu

Loiuko aireportuko joan-etorrien eremua desinfektatuko du Armadak. Ondoren, Gasteizko, Bilboko eta Donostiako tren geltokietara abiatuko da desinfekzio lanak gauzatzera.

Armadak desinfekzio lanak egingo ditu EAEko hiru hiriburuetako tren geltokietan. EiTB

Agentziak | Erredakzioa

publikatuta: 2020/03/23 09:46 (UTC+1)

azken eguneratzea: 2020/03/23 13:42 (UTC+1)

Miguel Angel Villarroya Defentsako Estatu Nagusiko buruaren esanetan, Armadak desinfekzio lanak egingo ditu EAEko hiru hiriburuetako tren geltokietan. Era berean, Loiuko aireportuan desinfekzio lanak egiten jarraituko du.

Armadako Errejimendu Nuklear Baktereologiko Kimikoko kideek Loiuko aireportuko joan-etorrien eremua desinfektatuko dute gaur. Ondoren, Gasteizko, Bilboko eta Donostiako tren geltokira abiatuko dira desinfektazio lanak egiteko.

Igandean Valentziatik helikopteroetan eta jeepetan iritsi ziren militarrak Loiuko aireportura, arratsaldeko 17:00etan. Errejimendu Nuklear Baktereologiko Kimikoaren parte dira, eta atzo aerodromoaren kontrol dorrean desinfekzio lanak gauzatu zituzten.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Bilboko Aireportua Gasteizko Udala Bizkaia Araba Gorka Urtaran Gaixotasunak Gizartea Eguneko albisteak Gasteiz Albisteak Osasun albisteak Renfe Koronabirusa

Armadak Gasteizko, Donostiako eta Bilboko tren geltokiak desinfektatuko ditu

Esteka kopiatuta