Gizartea -

KORONABIRUSA

Gaixo arinak taxiz eramatea adostu du Osakidetzak Gasteizen eta Bizkaian

Lekualdaketa alta ematen zaienean ospitaletik etxera eramateko edo osasun zentroen artean bakarrik egingo da.

Bilboko taxi bat. ETBko bideo batetik ateratako irudia.
Bilboko taxi bat
Bilboko taxi bat. ETBko bideo batetik ateratako irudia.

AGENTZIAK | ERREDAKZIOA

Whatsapp Facebook Twitter Telegram Email

Osasun Sailak eta Osakidetzak akordioa lortu dute Gasteizko eta Bizkaiko taxilarien elkarteekin egoera onean dauden gaixoak eramateko, osasun arloko profesionalek hala erabakitzen dutenean.

Osakidetzak ohar baten bidez azaldu duenez, lekualdaketa alta ematen zaienean ospitaletik etxera eramateko edo osasun zentroen artean bakarrik egingo da, eta taxiak segurtasun materialarekin eta ibilgailua garbitzeko protokolo batekin prestatu dituzte.

Neurri horrek anbulantzia zerbitzua indartzea dakarrela adierazi du Osakidetzak, eta taxilarien jarrera ona eskertu du.

UGTk gaixoak taxietan eramatea kritikatu du, gaur egun anbulantzia gehiago baitaude presazkoak ez diren probak bertan behera geratu direlako.

Ohar baten bidez, UGTk anbulantzien azpikontratatutako enpresak "atseden egunak" ematen ari zaizkiela langileei salatu du, "iazko aparteko orduen ordainketa aurrezteko", eta "enbarazu" egiten dutelako infekzioen aurrean babesteko ekipoak eskatzerakoan eta anbulantziak behar bezala garbitzerakoan.

Gainera, taxiak ezin direla anbulantziak bezala desinfektatu adierazi du, osasun irizpideekin diseinatuta daudela, eta taxilariek ez dutela osasun garraioa egiteko kualifikaziorik.

"Egoera horrek herritarrak arriskuan jartzen ditu. Eusko Jaurlaritzak ezin du eta ez die lagundu behar anbulantzien enpresa azpikontratatuei kutxa egiten", gaineratu du UGTk.

"Salbuespeneko une hauetan, langileekiko eta profesionalekiko sentsibilitate gutxi" izatea aurpegiratu dio Osakidetzak sindikatuari.

"Gaixo bat lekualdatzeko taxia erabiltzea osasun arloko profesional batek baloratzen du beti, eta, beraz, ez da bidezkoa sindikatu batek osasun arloko erabakiak ikuskatzea", gaineratu du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea
Albisteak Osakidetza Bizkaiko albisteak Araba Eusko Jaurlaritza EAE albisteak Gaixotasunak Gizartea Eguneko albisteak Gasteiz albisteak Albisteak Osasun albisteak Sindikatuak UGT Koronabirusa Taxiak