Espainia Txinaren aurretik dago jada hildakoen kopuruan

Txinak 3.281 heriotza zenbatu ditu COVID-19ko krisian.

Gaixo bat anbulantzia batean sartzen. Argazkia: EFE

AGENTZIAK

publikatuta: 2020/03/25 13:51 (UTC+1)

azken eguneratzea: 2020/03/25 14:01 (UTC+1)

Osasun Ministerioak 47.610 koronabirus kasu positibo zenbatu ditu asteazken honetan, 7.937 berri, azken 24 orduetan baino % 20 gehiago, eta 3.434 hildako, hau da, % 27,3 gehiago, eta Txinaren aurretik -3.281 heriotzarekin- dago jada COVID-19ren krisian.

Salvador Illa ministroak zuzentzen duen sailak jakitera eman duenez, gainera, 3.166 gaixo daude zainketa intentsiboetako unitatean eta 5.367 pertsona osatu dira COVID-19tik.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Gizartea Eguneko albisteak Albisteak

Espainia Txinaren aurretik dago jada hildakoen kopuruan

Esteka kopiatuta