Galdakaoko Udalaren hautetsontziak ez dira Ospitalean erabiltzen ari, dio Osakidetzak

Udalak metakrilatozko hautetsontziak eman dizkio Galdakao-Usansoloko Ospitaleari, baina, Osakidetzaren iritziz, ez dira egokiak koronabirusak kutsatutako gaixoak bakartzeko.

Agentziak | Erredakzioa

publikatuta: 2020/04/01 12:43 (UTC+2)

azken eguneratzea: 2020/06/08 09:47 (UTC+2)

Barrualde-Galdakao Erakunde Sanitario Integratuak esan duenez, Galdakaoko Udalak emandako metakrilatozko hautetsontziak ez dira Galdakao-Usansoloko Ospitalean erabiltzen ari; izan ere, hautetsontziak ez dira "egokiak", Osakidetzaren iritziz, koronabirusak kutsatutako gaixoak bakartzeko.

Osakidetzak esan du Galdakaoko Ospitaleak "eskertzen" dituela "gure inguruko hainbat enpresak eta erakundek osasun-langileei laguntzeko emandako elkartasun-erakusgarriak eta egindako dohaintzak". Galdakaoko Udalak emandako hautetsontzien gainean, Barrualde-Galdakao Erakunde Sanitario Integratuak zehaztu du "profesionalen batek jaso dituela, bere izenean, erakundeak horren berri izan gabe, eta baimendu gabe". Ziurtatu dutenez, ez dira erabiltzen ari, "ez baitira egokitzat jotzen".

Galdakaoko Udalak, goizean, esan du Galdakao-Usansolo Ospitalea metakrilatozko hautetsontzi horiek erabiltzen ari zela, intubatutako gaixoen burua isolatzeko; larrien dauden COVID-19 gaitzak kutsatutako pazienteak zaintzeak kutsadura-arrisku handia du, eta arrisku hori minimizatzea omen zen hautetsontziak erabiltzeko helburua.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Euskal Osasun Zerbitzu Publikoa Galdakao albisteak Zer gertatu da Bizkaian? Euskal Autonomia Erkidegoa Gaixotasunak albisteak Gizartea Eguneko albisteak Albisteak Osasun albisteak gaur COVID kasuak Galdakao-Usansolo Ospitalea albisteak Albiste faltsuak sare sozialeetan

Galdakaoko Udalaren hautetsontziak ez dira Ospitalean erabiltzen ari, dio Osakidetzak

Esteka kopiatuta