Gizartea -
KORONABIRUSA
Lau pertsona atxilotu dituzte eta 456 salatu, konfinamendua hausteagatik EAEn
Eusko Jaurlaritzaren Segurtasun Sailak jakitera eman duenez, bi pertsona atxilotu zituzten atzo Bizkaian, bat Araban eta beste bat Gipuzkoan.
AGENTZIAK | ERREDAKZIOA
Ertzaintzak eta Euskadiko udaltzaingoek lau pertsona atxilotu zituzten larunbatean, eta 456 salaketa jarri zituzten, ostiralean baino 141 gehiago, COVID-19 pandemiak eragindako alarma-egoeran ezarritako neurriak ez betetzeagatik.
Eusko Jaurlaritzako Segurtasun Sailak igande honetan jakinarazi duenez, bi atxiloketa Bizkaian izan ziren, bat Araban eta beste bat Gipuzkoan, guztiak Ertzaintzak egindakoak. J
Jarritako salaketetatik, 209 Ertzaintzak egin zituen eta 247 udaltzainek. Gehienak, 214, Bizkaian izan ziren, Gipuzkoan 136, eta Araban 106.