Gizon bat atxilotu dute Gasteizen, alarma-egoeraren dekretua bost aldiz hausteagatik

13:00ak baino lehenago atxilotu zuten, Euskaltzaindia plazan. Patruila batek autobus-geltokiaren ondoko banku batean eserita topatu zuen gizona, inolako justifikazioarik gabe.

Gasteizko autobus geltokia. Argazkia: EiTB.

Agentziak | Erredakzioa

publikatuta: 2020/04/22 11:12 (UTC+2)

azken eguneratzea: 2020/04/22 11:39 (UTC+2)

Gasteizko Udaltzaingoak 39 urteko gizon bat atxilotu zuen atzo agintaritzako agenteen aurkako desobedientzia larria egotzita, konfinamendua bost aldiz urratu baitu.

13:00ak baino lehenago, patruila batek autobus-geltokiaren ondoko banku batean eserita topatu zuen gizona, Euskaltzaindia plazan, inolako justifikaziorik gabe.

Dokumentazioa aztertzean, udaltzainek egiaztatu zuten bosgarren aldiz hausten ari zela alarma-egoeraren dekretua, eta, horren aurrean, atxilotu eta Agirrelandako polizia-etxera eraman zuten. Gaur goizean utzi dute epailearen esku.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Hau zure interesekoa bada, baliteke beste gai hauek ere izatea

Araba Delituak Gaixotasunak Gizartea Eguneko albisteak Gasteiz Albisteak Osasun albisteak Koronabirusa

Gizon bat atxilotu dute Gasteizen, alarma-egoeraren dekretua bost aldiz hausteagatik

Esteka kopiatuta