EAEk proba bikoitza egingo die seroprebalentzia azterketako 5.000 herritarrei

Koronabirusaren hautemate gaitasuna handitzeko aukera ematen duen lankidetza hitzarmena sinatu dute Osasun Sailak eta EHUk.

Koronabirusaren testa. ETBko bideo batetik ateratako irudia.

AGENTZIAK | ERREDAKZIOA

publikatuta: 2020/04/29 21:14 (UTC+2)

azken eguneratzea: 2020/04/30 09:35 (UTC+2)

Espainiako Osasun Ministerioak bultzatutako seroprebalentzia azterketaren barruan COVID-19 proba azkarrak egingo zaizkien 5.000 euskal herritarrei bigarren PCR proba bat ere egin ahalko zaie, Eusko Jaurlaritzaren eta Euskal Herriko Unibertsitatearen (EHU) arteko lankidetza hitzarmen bati esker.

Gaur arratsaldean Nekane Balluerka EHUko errektorearekin akordioa sinatu ostean, Nekane Murga Eusko Jaurlaritzako Osasun sailburuak hitzarmen horrekin "Euskadik koronabirusa atzemateko gaitasuna" zabaltzen duela nabarmendu du.

Akordioaren ondorioz, Osasun Ministerioak bultzatutako azterketan parte hartzeko hautatutako 5.000 herritarrei "proba azkar bat (serologikoa) egiteaz gain, PCR bat ere eskainiko zaie pertsona asintomatikoak atzeman eta horien bilakaera aztertzeko", sinatzaileek ohar baten bidez jakitera eman dutenez.

Osakidetzak astelehenean abian jarritako "seroprebalentzia azterketa osatzeko balioko du" hitzarmenak.

EHUko errektoreak nabarmendu duenez, hitzarmenak "formalizatu" egiten du Eusko Jaurlaritzaren Osasun Sailaren eta EHUren arteko "lankidetza bizia eta emankorra", "PCR bidez laginak aztertzeko eta koronabirusa detektatzeko test bat eginda".

Unibertsitate publikoarekin duten "lankidetza estua" ere azpimarratu du Murga sailburuak.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta/edo garraio publikoa erabiltzen baduzu. Dena dela, horien erabilera ez da derrigorrezkoa.

Hau zure interesekoa bada, baliteke beste gai hauek ere izatea

Osakidetza Eusko Jaurlaritza berriak EHU Euskal Autonomia Erkidegoa Gaixotasunak Gizartea Eguneko albisteak Albisteak Osasun albisteak Koronabirusa

EAEk proba bikoitza egingo die seroprebalentzia azterketako 5.000 herritarrei

Esteka kopiatuta