Euskadi osoak deseskalatzea egiteko baldintzak betetzen ditu, Jaurlaritzaren hitzetan

Iñigo Urkulluren gobernua deseskalatze prozesu hori "hurbiltasunaren ikuspegitik" egitearen aldekoa da.

Nekane Murga, Eusko Jaurlaritzako Osasun sailburua. ETBko bideo batetik ateratako irudia.

Agentziak | Erredakzioa

publikatuta: 2020/04/30 13:42 (UTC+2)

azken eguneratzea: 2020/05/08 12:54 (UTC+2)

Nekane Murga Eusko Jaurlaritzako Osasun sailburuak ziurtatu duenez, Euskadiko hiru probintziek betetzen dituzte konfinamenduaren malgutze prozesuan aurrera egiteko Espainiako Gobernuak ezarritako baldintzak.

Murgak ohiko agerraldi telematikoa egin du COVID-19aren inguruko azken datuak emateko, eta horrekin batera Pedro Sanchezen gobernuak pandemiari aurre egiteko ezarritako alarma egoeraren murrizketak malgutzeko abian jarritako plana aztertu du.

Sailburuaren iritziz, Espainiako Gobernuaren planak proposatzen duen probintzietan banatutako malgutze prozesuaren aurrean, Jaurlaritza ibilbidea “hurbileko ikuspegi batetik” aplikatzearen aldekoa da.

Horren harian, Murgak ziurtatu egin du Euskadiko hiru lurralde historikoek (Bizkaia, Araba eta Gipuzkoa) Espainiako Gobernuak ezarritako “baldintzak betetzen” dituztela, epidemiaren jarraipenari, erantzun asistentzialari, kasu berrien kopuruari, kutsatze-abiadurari eta gaixotasunaren guneei dagokienez.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta/edo garraio publikoa erabiltzen baduzu. Dena dela, horien erabilera ez da derrigorrezkoa.

Hau zure interesekoa bada, baliteke beste gai hauek ere izatea

Politika Eusko Jaurlaritza Euskal Autonomia Erkidegoa Gizartea Eguneko albisteak Albisteak Osasun albisteak Koronabirusa olatu berria Alarma egoera Deseskalatzea gaur

Euskadi osoak deseskalatzea egiteko baldintzak betetzen ditu, Jaurlaritzaren hitzetan

Esteka kopiatuta