OCUk ez du koronabirus arrastorik aurkitu supermerkatuko elikagaien ontzietan

OCUk ez du koronabirus arrastorik aurkitu apirilaren azken astean Madril, Bartzelona, Gasteiz eta Coruñako zortzi supermerkatu katetan (Alcampo, Carrefour, Condis, Dia, Eroski, Mercadona eta Supercor) erositako elikagai eta drogeria produktuetan.

Zehazki, kontsumitzaileen erakundeak 66 elikagairen eta kontsumo handiko drogeriako produkturen gainazalean koronabirusaren presentzia aztertu du: irinak, txokolatezko tabletak, patata frijituen poltsak, ogi-barrak, garagardo-latak, ontziratu gabeko sagarrak, komuneko papera, jogurtak, entsalada ontziratuak, aurrez prestatutako tortillak, haragi-ontziak eta izokin ketua.

Emaitzak PCR proba genetikoen bidez lortu dituzte, hautatutako produktuen azaleratik jasotako laginetatik, eta agerian uzten dute ez dagoela koronabirus hondarrik.

OCUren arabera, oso litekeena da supermerkatuek sustatutako higiene-neurriek, hala nola gainazalak aldizka garbitzeak eta eskularruak eta maskarak erabiltzeak, arrisku hori murrizten lagundu izana.

Hala ere, kontsumitzaileen elkarteak supermerkatuetan kontuz ibiltzeko gomendatu du, beste erabiltzaileekiko distantzia mantenduz, eskularruak eta maskara erabiliz eta aurpegia ez ukituz.