Sei atxilotu pertsonen salerosketaren aurkako operatibo batean Bizkaian

Ertzaintzak sexu-esplotaziorako pertsonen salerosketaren aurkako operazio bat abiatu du gaur goizean Bilbon eta Barakaldon (Bizkaia), eta sei pertsona atxilotu eta lau biktima askatu ditu.

Atxilotuak hiru emakumezko eta hiru gizonezko dira, delitu-jarduera horretan aritzen den Txinako sare bateko kideak, Eusko Jaurlaritzako Segurtasun Sailak jakitera eman duenez.

Operatiboan, bi etxebizitza miatu dituzte: Bilbotik Galdakaora doan errepidean, Bilboko Bolueta auzoan bata, eta Barakaldoko Murrieta kalean bestea.

Lonja bat ere miatu dute Errekalden (Bilbo). Operatiboak zabalik jarraitzen du.