Gizartea -
Emakumeen aurkako indarkeria
Burlatako 20 urteko gizonezko bat atxilotu dute sexu-abusuagatik
Emakume bati ukituak egin zizkion, etxeko atarian, baina biktimak ihes egitea lortu zuen.
agentziak | erredakzioa
Foruzainek Burlatako 20 urteko gizonezko bat atxilotu dute Uharten sexu-abusuen delitu bat leporatuta.
Foruzaingoak jakitera eman duenez, biktimak aurre egin zion erasotzaileari, eta ihes egitea lortu zuen. Erasotzailea ondoren atxilotu zuten, ikerketa baten ondorioz.
Hilabete hasieran izan zen erasoa, eta, emakumearen salaketaren arabera, autobusetik jaitsi eta etxera iristear zela, ezagutzen ez zuen gizonezko batek eraso egin zion.
Etxeko atarian sartu baino lehen oldartu zitzaion gizonezkoa, eta ukituak egin zizkion, emakumeak aurre egin eta ihes egitea lortu zuen arte.