Gizartea -

Bero bolada

Tenperatura altuei aurre egiteko gomendioak

Ohi baino likido gehiago edan, ura batez ere, egarria izan arte itxaron gabe, eta otordu arinak egin behar dira muturreko beroari aurre egiteko.

Bero handiko orduetan, kalera irtetea saihestea da aholkuetako bat. Argazkia: EFE.
Bi adineko hondartza batean paseatzen
Bero handiko orduetan, kalera irtetea saihestea da aholkuetako bat. Argazkia: EFE.

eitb.eus

Whatsapp Facebook Twitter Telegram Email

Euskal Autonomia Erkidegoan eta Nafarroan egun hauetan izaten ari den beroaldiaren ondorioz, jarraian azaltzen dira muturreko beroaldietan kontuan hartu beharreko gomendioetako batzuk.

Gurutze Gorriaren arabera, "tenperatura altuen ondorio negatiboak zorabio, ahultasun, neke, goragale edo zorabio moduan ager daitezke".

"Intsolazioa tenperatura altuekin ere lotuta dago, eta larruazal gorritua, beroa eta lehorra, pultsu azkarra edo buruko min handia eragin dezake. Kasu horietan, pertsona leku fresko batean kokatzea gomendatzen da, burua estalita, axiletan konpresa bustiak eta hotzak jartzea eta ura gatzarekin eta bikarbonatoarekin edatea dira" beroaldi baten aurrean kontuan izan beharreko gomendioak.

Hala ere, tenperatura altuei lotutako osasun-arazoak "neurri errazen bidez saihestu daitezke":

-Ohi baino likido gehiago edan, ura batez ere, eta ez itxaron egarria izan arte.

-Saihestu kafeina, alkohola edo azukre gehiegi duten edariak.

-Elikadurari dagokionez, otordu arinak egin (entsaladak, gazpatxoa, barazkiak, frutak...).

-Etxean, bero gehien egiten duen orduetan, leihoak itxi eta pertsianak jaitsi, eta etxea aireztatu eta freskatzeko aprobetxatu bero gutxien egiten duenean.

-Arropa nasaia, arina eta kolore argikoa erabili, oinetako eroso eta freskoekin.

-Bero handiko orduetan, ez kalera atera, eta, atera behar izanez gero, burua estali eta eguzkitako betaurrekoak erabili.

-Eguerdiko orduetan (12:00etatik 18:00etara) ez egin kirol ariketarik eguzkitan, batez ere, gogorrak badira.

-Kalean aritu behar izanez gero, ez ahaztu atseden hartzea, eguzkitik babestea eta freskatzea (likidoak edan, burua freskatu eta abanikoa erabili).

-Bero handia sentituz gero, dutxa edo bainu hotza hartu.

-Ez utzi inor aparkatuta edo itxita dagoen ibilgailu batean, itzalean egon arren.

-Zaindu beroaren aurrean arriskua duten pertsonak, arreta berezia jarri ume txikiei, adinekoei eta beroarekin zein deshidratazioarekin larriagotu daitezkeen pertsonei, bihotzeko gaixotasunak dituztenei.

-Adineko pertsonei dagokienez, gutxienez egunean behin bisitatu, bakarrik bizi direnak edo mendekoak bereziki, eta, behar izanez gero, gizarte-zerbitzuen laguntza eskatu, babes-neurriak hartzeko zailtasunak izan baititzakete.

-Osasun-arazoren bat baduzu:

  -Galdetu medikuari zer neurri osagarri hartu behar dituzun

  -Botikak hartzen badituzu, jarraitu hartzen, baina ez hartu zeure kabuz, medikuak agindu gabe.

  -Gaizki sentitzen bazara, utzi egiten ari zarena egiteari, saiatu leku fresko bat bilatzen eta eskatu laguntza.

Hau zure interesekoa bada, baliteke beste gai hauek ere izatea
Nafarroa Euskal Autonomia Erkidegoa Eguraldia Gizartea Eguneko albisteak Albisteak Osasun albisteak Uda Bero-boladak