Publizitatea
Itxi

2020/07/13

14:46

Gizartea

Pentsiodunen protestak

Pentsiodunek kalean jarraituko dutela ohartarazi diote etorkizuneko gobernuari

Agentziak | Erredakzioa

Bizkaiko pentsiodunen mugimenduak elkarretaratze bat antolatu du gaur Bilboko udaletxe aurrean, eta Gasteizen, Plaza Berrian, Arabako pentsiodunak elkartu dira.

  • Astelehen honetan antolatutako ekitaldia, Gasteizko Plaza Berrian

    Astelehen honetan antolatutako ekitaldia, Gasteizko Plaza Berrian. Irudia: EFE.

  • Whatsapp
  • Whatsapp
  • Telegram
  • Bidali

Astelehenero Euskadin pentsio "duinak" aldarrikatzeko manifestazioak egiten ari diren pentsiodunek hauteskundeetatik aterako den Eusko Jaurlaritzari ohartarazi diote kolektiboak kalean jarraituko duela bere aldarrikapenak entzun eta onartu arte.

Beste astelehen batez, Bizkaiko pentsiodunen mugimenduaren elkarretaratze bat izan da Bilboko udaletxearen inguruetan, baina aurreko mobilizazioetan baino parte-hartze apalagoarekin.

COVID-19a hartzeko "beldurra", udako oporrak eta eskolak amaitutakoan gurasoek lan egiten duten bitartean bilobak zaindu beharra dira, antolatzaileen esanetan, parte-hartzearen beherakada azaltzeko arrazoiak.

Andrea Uña Bizkaiko mugimenduko ordezkariak adierazi duenez, pentsiodunek kalean jarraitzeko asmoa dute, gobernuan edozein dagoela ere pentsioak babestea eskatzeko. "Hori izango da beti gure leloa", gaineratu du.

Bi urte eta erdiko mobilizazioen ostean, beste hauteskunde batzuk egin ostean, kolektiboak "mundu osora" eraman ditu bere aldarrikapenak, eskari horiek "Eusko Legebiltzarrean zein Madrilen" betetzea nahi dutelako.

Bizkaiko pentsiodunen mugimenduak atseden txiki bat hartzeko asmoa du abuztuan egingo dituzten mobilizazioetan. "Ziurrenik astelehenero ez gara etorriko", esan du, baina irailaren 7an itzuliko gara, aurreratu du Uñak.

Uztailaren amaierara arte eutsiko diete protestei, eta COVID-19ak bertan behera utzi dituen Bilboko jaiak ospatuko ziren astean ekitaldiren bat egingo dute.

Bestalde, Arabako pentsiodunen mugimenduak uda amaitu arte, azken mobilizazioa egin du astelehen honetan, eta konfinamenduaren osteko garai honetan protestetan parte hartu duten pertsonen kopurua baloratu du; borrokari eutsiko diote, nahiz eta kolektibo hori "beldur" izan balizko agerraldien aurrean.

Jesus Maria Soubies Arabako pentsiodunen bozeramailearen hitzetan, astelehenero "5.000 pertsona inguru" kalera ateratzea lortu dute Euskadi osoan, nahiz eta COVID-19a dela eta arrisku handiena dutenak adinekoak izan.

Pandemia izan baino lehen Euskal Herriko protestetan astelehenero biltzen ziren "15.000 pertsonetatik" urrun daude egungo kopuruak, baina positibotzat jo dute, koronabirusak utzi duen "egoera zaila" kontuan hartuta.

Elkarretaratzeetan bildu direnak pentsioen balioa "legez" handitzea eskatu dute berriro ere, sistema "duina eta eraginkorra" lortzeko, 2011 eta 2013. urteetako pentsioen erreformen "puntu atzerakoiak" indargabetzeko, iraunkortasun faktorea behin betiko kentzeko eta gutxieneko pentsioa 1.080 eurora igotzeko, besteak beste.

Gaurko ekitaldia Gasteizko Plaza Berrian egin dute, "aldarrikapen artean eta jai giroan". Bertan, agiri bat irakurri dute, eta bi abeslariren eta txistulari talde baten musikarekin alaitu dute.

Udako oporren ostean, mobilizazioa ikasturte honetarako deitutako azkena izan da, eta irailaren 21ean bilduko dira berriro elkarretaratzeak egiten jarraitzeko, osasun egoerak hobera egingo duen itxaropenarekin.

  • Bisitatuena

      Kargatzen ikusiena
      Kargatzen ikusiena