Gizartea -

Landa bainu gunea

Adingabe bat erreskatatu eta suspertu behar izan dute Uribarri Ganboako urtegian

Urtegiko uretatik atera duten unean adingabea hezitzaile baten zaintzapean zegoen. Oraingoz ez dute biktimaren osasun egoera zehaztu.

Landa, Uribarri Ganboako urtegia (Araba). Artxiboko irudia: EiTB
Landa, Uribarri Ganboako urtegia (Araba). Artxiboko irudia: EiTB
Landa, Uribarri Ganboako urtegia (Araba). Artxiboko irudia: EiTB

Agentziak | Erredakzioa

Whatsapp Facebook Twitter Telegram Email

Adingabe bat Uribarri Ganboako urtegian konorterik gabe erreskatatu eta suspertu behar izan dute. Gertakaria Landa (Arratzua-Ubarrundia, Araba) bainu gunean jazo da. Ondoren Gasteizko Santiago ospitalera eraman behar izan dute.

Ezbeharra 11:30 aldera gertatu da. Segurtasun Saileko iturriek azaldu dutenez, urtegiko uretatik atera duten unean adingabea hezitzaile baten zaintzapean zegoen.

Ur-bazterrera atera, suspertzea lortu eta ospitalera eraman dute. Oraingoz ez dute biktimaren osasun egoera zehaztu.

Hau zure interesekoa bada, baliteke beste gai hauek ere izatea
Araba Gizartea Eguneko albisteak Gasteiz Albisteak Umeak Gorbeialdeko kuadrilla