Gizartea -
Ezbeharra
Gazte bat hil da itota Aretxabaletako Urkulu urtegian
17:45ean, 25 urteko gaztearen lagunek larrialdi zerbitzuetara deitu dute, uretan sartu den laguna aurkitzen ez zutela jakinarazteko.
EiTB.EUS
Gazte bat hil da ostiral arratsaldean Aretxabaletako Urkulu urtegian. SOS Deiakek 17:45ean jaso du abisua. Ordu horretan, 25 urteko gaztearen lagunek larrialdi zerbitzuetara deitu dute, uretan sartu den laguna aurkitzen ez zutela jakinarazteko.
Berehala, Ertzaintzaren helikopteroa eta urpekari talde bat ezbeharra gertatu den lekura bertaratu dira. Gaztea uretatik atera eta suspertzen saiatu dira, baina Ertzaintzak eitb.eus-i esan dionez, ezin izan dute ezer egin gaztea onik ateratzeko.