Arabako adinekoen egoitzetako egoiliarren senideek modelo aldaketa geldegin dute

Arabako adinekoen egoitzetako eta eguneko zentroetako erabiltzaileen familiartekoek Emilio Sola Ballojerarekin, Politika Sozialeko Arabako diputatua, ostegunean izandako bilera batean egoitzeta beharrezkoa den modelo aldaketa bat galdegin dute.

Familiartekoen bozeramaileek ohar batean azaldu dutenez, diputatua funtzionamendu aldaketa bat egitera “irekita dago”. Aldi berean, pandemian zehar eguneko zentroetan zein egoitzetan familiartekoei dagokienez egindako kudeaketaren “balorazio negatiboa” helarazi diote diputatuari.

Horrez gain, “bizi izandakoa xehetasunez azaltzeko”, eta hala egungo egoera aldatzeko, senitartekoek bilera jarraituak egiteko eskatu diote Arabako diputatuari. Familientzat, “une honetan lehentasuna” egoitza publiko zein pribatuetan bisita “duin eta egunerokoak egiteko eta kalera atera ahal izateko” protokoloak aztertzea da.

“Erantzunak eta soluzioak ezin du luzatu. Jasotzen dugun erantzunaren arabera aztertuko dugu gure adinekoentzako bizitza duin bat lortzeko zein pausu jarraitu behar ditugun”, gaineratu dute.