Gizartea -

Erresuma Batua

Oxfordek COVID-19aren aurkako txertoaren probei ekingo die berriro

Txerto hori aurreratuenetzat dute mundu osoan lantzen ari direnen artean, eta proba klinikoen azken fasean dago. Aurreko astean prozesua gelditu egin behar izan zuten boluntario bat gaixotu zelako.

Txertoa. Argazkia: Efe
Txertoa. Argazkia: Efe
Txertoa. Argazkia: Efe

agentziak | erredakzioa

Whatsapp Facebook Twitter Telegram Email

Erresuma Batuko Oxford Unibertsitateak jakinarazi du berriro ekingo diela COVID-19aren aurkako txertoaren proba klinikoei, aurreko astean boluntarioetako bat gaixotu zelako prozesua bertan behera utzi ostean.

Unibertsitateak ohar batean azaldu duenez, ChAdOx1 nCoV-19 izeneko txertoaren probak, AstraZeneca farmazia etxearekin batera egiten ari direnak, berriro hasiko dira Erresuma Batuan, hilaren 6an badaezpada ere gelditu eta gero.

Txerto hori aurreratuenetzat dute mundu osoan lantzen ari diren guztien artean, eta proba klinikoen azken faseetan dago, herritarrak immunizatzeko prozesuari ekiteko nazioarteko erakundeen baimena jaso aurretik.

Abuztuaren amaieran, Europar Batasunak kontratua itxi zuen AstraZenecarekin txertoaren 300 milioi dosi eskuratzeko. Hori dela eta, kolpe gogorra, eta kezka iturri, izan da probak gelditu izana.

Unibertsitateak jakitera eman duenez, mundu osoan 18.000 pertsonak jaso dute txertoa proba klinikoen baitan, eta ohikoa da horrelakoetan boluntarioren bat gaizki sentitzea.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Hau zure interesekoa bada, baliteke beste gai hauek ere izatea
Nazioartea Europar Batasuna Erresuma Batua Gaixotasunak Gizartea Eguneko albisteak Albisteak Osasun albisteak Koronabirusa Industria farmazeutikoa