Gizartea -
Istripua Bizkaian
74 urteko emakume bat hil da Iurretan, auto batek harrapatuta
Ezbeharra 20:40 aldera gertatu da Durango eta Orozketa auzoa lotzen dituen errepidean. Anbulantzia bat, Ertzaintza eta Udaltzaingoa bertaratu dira.
eitb.eus
74 urteko emakume bat hil da gauean, ibilgailu batek harrapatuta Durango eta Iurreta (Bizkaia) lotzen dituen errepidean. Ertzaintza istripuaren inguruabarrak ikertzen ari da.
Ezbeharra 20:40 aldera gertatu da bertako errepidean, Durango eta Orozketa auzoaren artean, Iurretako udalerrian, Eusko Jaurlaritzako Segurtasun Sailak jakitera eman duenez.
Anbulantzia bat, Ertzaintza eta Udaltzaingoa bertaratu dira, baina adinekoaren heriotza baieztatu besterik ezin izan dute egin.
Hau zure interesekoa bada, baliteke beste gai hauek ere izatea