Patxi Lopezek guztion ahalegina eskatu du bakea finkatzeko Euskadin

Patxi Lopez lehendakariak "guztion ahalegin" bat eskatu du gaur, Euskadin irekitzen ari den bake, askatasun eta bizikidetza denbora hau betiko finkatzeko. Lopezek hori eskatu die Bruselan bizi diren euskal herritarrei, bertan izan denean.

Lehendakariak adierazpen horiek egin dizkie Bruselan bizi diren euskal herritarrei, Eskualdeen Batzordean parte hartzeko herrialdeari egindako bisitan. Bihar, Europar Batasunean eskualdeen parte hartzearen aldeko organo honetan, industria politikak Europan izan beharko lukeen irizpenaz hitz egingo du Lopezek.

‘Eskaintza onenaren’ zain dagoenik badela esan du Patxi Lopezek

Azaroaren 20ko hauteskunde orokorren biharamunean pentsatzen ari direlako "batzuk eskaintza onena egiten dietenen esku" gelditzen direla esan du Patxi Lopez lehendakariak, Mariano Rajoy PPko buruaren eta Iñigo Urkullu EAJko EBBren presidentearen arteko harremanei buruz.

"Euskadi bakebidean aurrerantz eramateko eta indarkeria ziklo hau amaitzeko edozeri buruz hitz egitea ondo iruditzen zait. Kontua da batzuk azaroaren 21ean pentsatzen ari direla dagoeneko, eta bere burua eskaintza onena egiten duenaren esku utzita. Ez du zentzu handirik", adierazi die komunikabideei Bruselan, Europako Parlamentura iristean. Jose Manuel Durao Barroso Europako Batzordeko presidentearekin eta beste erkidegoetako presidente batzuekin hamaiketakoa egin du bertan.

Patxi Lopezek esan duenez, ez dagoela gaizki, "guztion artean aurrera egiteko gai bagara". Gainera, Rajoyren eta Urkulluren arteko elkarrizketek Eusko Jaurlaritzak PPrekin dituen harremanetan eraginik izango ez dutela gaineratu du.

“Espekulatzeari uzteko” eskatu du lehendakariari, ETA talte terroristak azaroaren 20aren aurretik agiririk bidaliko ote duen galdetu diotenenean.