Erupzio bolkanikoaren mantxak Hierrotik 1,85 km-ra iritsi dira

Las Calmas itsasoan ematen ari den urpeko erupzioagatik ateratako mantxak La Restingatik, El Hierro uharteko hegoaldeko herritik, milia batera (1,84 km) iritsi dira, Kanariar Uharteko Gobernuak erakutsitako argazki batzuek erakutsi bezala.

Hegazkinetik hartutako irudiek berde argi kolorea duten mantxa bat erakusten dute, eta kostalderantz hurreratzen ari da, azaldu du Kanariar Uharteko Gobernuak.

Adituek esan dutenez, 150 metro baino gehiagoko sakoneran emisio fumarolar batena izan liteke.

Asteazken arratsaldean, Hierroko zientifiko talde batek jakitera eman zuenez, sufre usai handiko bi mantxa topatu zituzten, baita hildako arraiak ere, kostaldetik 1,5 eta 2 miliatara (2,77 eta 3,70 kilometrora).

Ontzi bat iritsiko da bihar Hierrora zientifikoei lanak errazteko

"Profesor Ignacio Lozano" ontzia ostiralean iritsiko da Hierrora zientifikoei lanak erraztera, La Restinga inguruan izandako urpeko erupzioen inguruei buruz.

Kanariar Uharteko Gobernuaren ontziak, hainbat azterketa egingo ditu itsasoan eta uretan disolbatutako gasen inguruan.