Gizartea -

TRAFIKOA

Auto-ilara luzeak N-637 errepidean, Sondikan, hainbat ibilgailuk talka egin ostean

Hamahiru ibilgailuk istripua izan dute, Gurutzetarako noranzkoan, eta hiru pertsona eraman dituzte Gurutzetako ospitalera. N-1ean ere ilara luzeak sortu dira, Andoainen, bi istripurengatik.

Auto-ilara luzeak N-1 errepidean. Argazkia: eitb.eus
Auto-ilara luzeak N-1 errepidean
Hiru zauritu Txorierriko korridorean, 13 ibilgailuren arteko talkan

EITB.EUS

Whatsapp Facebook Twitter Telegram Email

Hamahiru ibilgailuren arteko istripua gertatu da gaur goizean N-637 errepidean (Txorierriko igarobidea), Sondikan, eta auto-ilara luzeak sortu dira Gurutzetarako noranzkoan, Eusko Jaurlaritzako Segurtasun Sailak eitb.eus-i jakinarazi dionez. 

Ezbeharra 07:00ak baino minutu batzuk lehenago gertatu da. Kamioi eta autobus batek eta beste 11 ibilgailuk talka egin dute, Gurutzetarako noranzkoan, eta auto-ilara luzeak sortu dira.

Sei kilometro inguruko auto-ilarak sortu dira, Zamudioraino.

Hasiera batean errepidea guztiz itxi dute bi norabideetan, baina 08:15 aldera errei bat ireki dute.

Istripuaren ondorioz, hiru pertsona eraman dituzte Gurutzetako ospitalera.

Errepide horretan bertan, bigarren istripu bat gertatu da Barakaldon, Gurutzetarako noranzkoan. 11:00ak baino minutu batzuk lehenago, auto bat irauli egin da BEC parean. Emakume bat zauritu da.

Ezbeharraren ondorioz, errei bat itxi dute eta auto-ilara luzeak sortu dira. Ilarak Asuako irteeraraino iristen dira.

Goiz korapilotsua N-1 errepidean, bi istripuren ondorioz

Goizean N-1 errepidean izandako bi istripu auto-ilara luzeak eragiten ari da, Eusko Jaurlaritzako Segurtasun Sailak jakinarazi duenez.

Lehen ezbeharra 06:00ak aldera gertatu da Andoainen, Gasteizerako noranzkoan. Bi autok talka egin dute eta, ondorioz, bi pertsona eraman dituzte Tolosako Asuncion klinikara.

Lau kilometrora arteko auto-ilarak sortu dira. N-1eko istripuak ondorioak izan ditu A-15eko lotunean, eta puntu horretan ere auto-ilarak sortu dira.

Bigarren istripua 07:40an gertatu da N-1 errepidean, Andoainen, baina Donostiarako noranzkoan. Hiru ibilgailuk talka egin dute eta ezkerreko erreia oztopatu dute. Ondorioz, Tolosara arteko auto-ilarak sortu dira.

Dena den, ez da inor zauritu.

Hau zure interesekoa bada, baliteke beste gai hauek ere izatea
Trafiko Istripuak Trafikoa Bizkaia Albisteak Gipuzkoa Euskal Autonomia Erkidegoa Gizartea Trafikoko telefonoak Trafiko webkamerak Eguneko albisteak Andoain argazkiak Albisteak N-1 Sondika Txorierriko igarobidea