Gizartea -
Lan-istripua
Kamioilari bat hil da AP-8 autobidean, Donostian
Ertzaintzak uste du gidaria ondoezik sentitu dela eta horregatik atera dela errepidetik; izan ere, gizonak ez du zauririk jasan eta kamioiak ez du inolako kolperik.
AGENTZIAK | ERREDAKZIOA
Kamioilari bat hil da arratsalde honetan AP-8 autobidean, Donostia parean. Ibilgailua errepidetik atera da eta bazterrean geldituta topatu dute, suhiltzaileek eta Ertzaintzak jakinarazi duenez.
Ezbeharra 17:30 inguruan gertatu da, Bilboko noranzkoan, AP-8 autobideko 20. kilometroan. Suhiltzaileak eta Ertzaintza bertaratu dira, eta gidaria kamioi barruan hilda aurkitu dute.
Autopsiaren emaitzaren zain, ematen du gidaria ondoezik sentitu dela eta horregatik atera dela errepidetik; izan ere, gizonak ez du zauririk eta kamioiak ez du inolako kolperik.
Ertzaintzak errei bat itxi du Bilboko noranzkoan.